انصار: ( د وږی ۱۹ مه)، د امریکا د استازو جرګې د بهرنیو اړیکو کمېټې مشر ویلی چې د طالبانو او زلمي خلیلزاد تر منځ د دوحې هوکړه د افغانستان د جمهوري حکومت پر ضد یو ګوزار و.

مایکل مک کال وویل، د دوحې هوکړه، چې د ده په وینا د افغانستان د حکومت پر مورال یې منفي اغېز وکړ، د زلمي خلیلزاد تېروتنه وه.

ده د امریکا سي بي ایس تلویزیوني شبکې ته په مرکه کې وویل، خلیلزاد «له طالبانو سره خبرې وکړې او د افغانستان حکومت ته یې شا واړوله. دا د هغوی پر مخ څپېړه وه او د دوی روحیه یې خرابه کړه.»

د امریکا د استازو جرګې د بهرنیو اړیکو د کمېټې مشر په دې مرکه کې چې پرون (یکشنبې) خپره شوه، وویل، له افغانستانه وتلو د امریکا لپاره نړیوالې منفي پایلې لرلې.

هغه وویل، «د افغانستان د حکومت له پرزېدو دوې میاشتې وروسته، پوتین پر اوکراین یرغل وکړ او له پیکینګ سره یې بدورغه ايتلاف جوړ کړ چې ارام سمندر ګواښي.»

د روسیې ولسمشر ولادیمیر پوتین د مې په میاشت کې چین ته سفر وکړ او له شي جین پینګ سره له لیدنې وروسته یې وویل چې دغه سفر د دواړو هېوادونو تر منځ ستراتیژیکې همکارۍ لا پیاوړې کړې دي.

مک کال دا خبره رد کړه چې ګنې له افغانستان څخه د امریکا د وتلو په اړه د ده له لوري څېړنې سیاسي انګېزه لري، ویې ویل چې د امریکا د ولسمشرۍ له ټاکنو وروسته به په دې اړه پلټنې وکړي.

مک کال، چې د ټرمپ په شان د جمهوری پال ګوند غړی دی، زیاته کړه چې بایډن او ټرمپ دواړو غوښټل چې له افغانستان څخه ووځي، خو د ټرمپ وتل مشروط و، مګر بایډن بې له دې چې د افغانستان وضعیت په پام کې ونیسي، ځواکونه وایستل.

ټاکل شوې ده چې د امریکا د سنا جرګې د بهرنیو اړیکو کمېټه نن (دوشنبه) له افغانستان څخه د امریکا د وتلو په اړه خپل راپور خپور کړي.

په افغانستان کې د امریکا پخواني استازی زلمي خلیلزاد د یکشنبې په ورځ له افغانستان څخه د امریکا د وتلو په اړه د استازو جرګې د بهرنیو اړیکو د کمېټې هغه ادعا رد کړه چې وایي، د امریکا پوځ له طالبانو سره د امریکا د وتلو او د سولې له خبرو خبر نه و.

خلیلزاد وویل، هغه مهال په افغانستان کې د امریکایي ځواکونو قوماندان جنرال سکاټ میلر د دوحې له خبرو څخه په بشپړه توګه خبر و او د هغه استازی په خبرو اترو کې شامل و.

مکال وویل، طالبانو د داعش ډلې زرګونه غړي د بګرام له زندانونو خوشي کړي دي.

متحده ایالات او اروپا داعش، په ځانګړې توګه د خراسان څانګه، د دغو هیوادونو او نړۍ امنیت ته ګواښ بولي.

 

URL تعقيب: https://www.ansarpress.com/pashto/33371

*	الـاسمـ و اللقب
*	رأيك
أدخل الـأرقامـ الظاهرة في المربع أدناه.
*

	د سوریی په نښتو کې له زرو ډېر کسان وژل شوي دي
	حماس د اوربند دویم پړاو لپاره خبرو اترو ته چمتو دی
	افغاني ښځې له نړیوالو پر طالبانو د فشار غوښتنه کوي
	د بښنې نړیوال سازمان د وزیر خان د سملاسي خلاصېدو غوښتنه وکړه
	ټرمپ د کانګرس د دواړو خونو ګډې غونډې ته وینا کوي
	بنو کې د پاکستان پوځ پر مرکز ځانمرګی او ډله ییز برید شوی
	د تورخم په نښته کې د افغان لوري ۳ تنه مړه او ژوبل شوي
	د تورخم په جګړه کی درې پاکستاني سرتیري ټپیان شوي
	اروپايي مشرانو له اوکرایینه ملاتړ وښود
	ټرمپ پر طالبانو د فشار د نویو حربو په لټه کې دی
	اروپايي هیوادونو د زیلینسکي کلک ملاتړ وکړ
	د طالبانو پر وړاندې د نړیوالې ټولنې د دریځ نه یووالي دا ډله زړوره کړې ده
	ایران د اتومي وسلې جوړولو ته نژدې شوی
	ټرمپ د افغانستان تېروتنه په اوکراین کې تکراروي
	افغان نجونې د افغانستان، اسلام او نړۍ بقاء لپاره جنګېږي
	له حقونو د ښځو محرومول، د هغوی انسانيت تر پوښتنې لاندي راوستل دی
	قطر له سوریې سره دیپلوماتیکې اړیکې پیلوي
	د پاکستان د پوځ د بې ساري تسلیمۍ ۵۳ کاله پوره شول
	د اسراییل پوځ د سوریې تاسیسات یو په بل پسې ورانوي
	طالبانو د ښځو حقونو سرغړونې نورې هم زیاتې کړي
	نن د افغانستان پر وضعیت امنیت شورا غړي غونډه لري
	د زلمي خلیلزاد ټویټ پاکستانیان سخت په غوسه کړي دي
	د روسیې د استازو جرګې د ترهګرو له لیسته د طالبانو د نوم ایستلو ته رایه ورکړه
	د سوریې د اسلامپالو بری نړیوالو ته د اسلام او افغانانو په اړه څه پیغام لري؟
	د دوو هیوادونو د چارواکو د سفرونو لار به هواره کړم